Сургалтын оролцогч: Тунгалаг Ариунзаяа
Ханбогд сумын уугуул малчин, сумын шинэхэн бэр болон ирсэн эмэгтэйчүүд сургалтаар танилцсан. Сумын малчин эмэгтэйчүүдэд гэр бүлтэй холбоотой бэрхшээл цөөнгүй тулгарч байна. Учир нь хүүхдүүдээ сургууль, цэцэрлэгт хамруулах зорилгоор гэрийн эзэгтэй нар яалт ч үгүй төвд суурьших шаардлагатай болж байгаа. Энэхүү асуудлаас үүдэн гэр бүлийн харилцаа, мөнгө санхүү гээд мундахгүй асуудлууд үүсдэг. Нэг ёсондоо 2 талд хуваагдан амьдрах шаардлагатай болж байгаан. Нөхрүүд маань мал дээр мал хуйгаа харгалзахаас өөр аргагүй. Мөн байнга нааш цааш эрж буцах гээд олон бэрхшээлүүдтэй бид нүүр тулж байна.
Энэ удаагийн сургалтаар бид өөрсдийн асуудлаа бага ч болов хөнгөвчлөх, шийдэх зорилгоор өөрсдөө санаачлан малчин айлуудыг интернэтэд холбох ажлыг хэрэгжүүлэхээр зорьсон.
Хөдөө гэр маань интернэтэд холбогдсоор бид хүссэн цагтаа нөхөр ар гэрийнхэнтэйгээ нүүр нүүрээ хараад ярих боломжтой болно. Ингэснээр олон давтамжтай ирж, буцах асуудлаа шийднэ гэж бодож байна. Гэр бүлийн харилцаа холбоо ч илүү сайжирна гэж харж байна.
Бидний хувьд өмнө нь төсөл бичиж байгаагүй. Анх удаагаа өөрсдөө төсөл бичиж үзлээ. Мэдээж анхлан бичсэн болохоор амархан байгаагүй, олон зүйлийг хийж сурдаг юм байна энэ хороонд. Тэгээд төслөө бичиж дуусаад харахад үнэхээр болдог юм байна, боломж байна гэдгийг мэдэрсэн. Гоё байлаа.
